B6 Eugenikussa

O svájcike pszihijáterja angye ángle o rasszistike gondolattya, hogy o roma taj o szinti „ánde melajargye“ ole európavike manusengero génállományi taj pálal adá linye préko o Nemzetike Szocialisti. Ando 1905-dikno bers o Josef Jörgeri, o svájciko pszihijáteri taj eugenikusi, adale családike kasteha kamja ánde te szikaven, hogy o Zero családo má aszar phenen „melajarde“ sztye, mer jek aszavi dzsúli géja maskar lende romeszte, ako jekhe vándorike családosztar sztya. Ande po dolgozato dzsungále vakerel palo manusa ando családo, aszave alavenca szar phenasz „lubni“, „bűnözővo“, „dilino“ taj „fattyúvo“. I eugenika pal’ odá basol, hogy o manusa avka úje, hogy le viselkedésiszkero legbareder ríszo má ande lende hi. Mist’ odá o eugenikajiko mozgalmo le „rateszkere suzsaripeha“ kamlahi federeszke te thoven le níposzkero génállományi, szar phenasz le erőszakosne sterilizálásiha, le kisérletenca po manusa, taj odoleha, hogy ári nyuminnahi ole „nakamade“ csoporten.